- जिमी डोनाल्डसनले २७ वर्षको उमेरमा १ अर्ब डलर सम्पत्ति कमाएर सबैभन्दा कान्छा ‘सेल्फमेड बिलिनियर’ बने। उनले भाइरल भिडियो, मिस्टरबिस्ट बर्गर र फिस्टेबल्स जस्ता व्यवसायबाट प्रभावशाली आम्दानी गरे।उनी आफ्नो जीवनकालमा धेरै दान गर्ने वाचा गर्दै आएका छन्।
युट्युबमा सबैभन्दा धेरै पछ्याइएका सेलिब्रेटी मिस्टरबिस्ट २७ वर्षकै उमेरमा अर्बपति बनेका छन् । सेलिब्रेटी नेटवर्थका अनुसार उनी सबैभन्दा कान्छा ‘सेल्फमेड बिलिनियर’ बने ।
उनले १ अर्ब डलरको सम्पत्ति कमाएका छन् । उनी भाइरल भिडियो, मिस्टरबिस्ट बर्गर र फिस्टेबल्स जस्ता व्यावसायिक उद्यम तथा प्रमुख परोपकारी कार्यका लागि परिचित छन् ।
मिस्टरबिस्टले भाइरल भिडियोबाहेक अन्य क्षेत्रबाट पनि प्रभावशाली आम्दानी गरिरहेका छन् । सन् २०२० मा, उनले मिस्टरबिस्ट बर्गर सुरु गरे, जुन डेलिभरी फास्ट(फूड चेन थियो जसले आफ्नो प्रसिद्धीको चरमचुलीमा प्रतिमहिना २।३ मिलियन डलर आम्दानी गर्ने जनाइएको छ ।
उनले फेस्टेबल्स नामक चकलेट कम्पनीको पनि स्थापना गरे जसले सुरुवाती महिनाहरूमा १० मिलियन डलरभन्दा बढी आम्दानी गर्यो । मिस्टरबिस्टले क्रिएटिभ जुससँग मिलेर जुस फन्ड्सको सह(स्थापना पनि गरे, जसले बढ्दो कन्टेन्ट क्रिएटर्सको लागि २ लाख ५० हजार डलरसम्मको कोष प्रदान गर्दछ ।
मिस्टरबिस्टले आफू बित्नुअघि सबै पैसा दान गर्ने बारम्बार वाचा गरेका छन्, र यसलाई आफ्नो जीवनको लक्ष्य ‘धेरै पैसा कमाउने, र त्यसपछि सकेसम्म धेरै राम्रो गर्दै सबै दान गर्ने’ बताएका छन् ।
उनले ब्रेकआउट क्रिएटर, युट्युबर अफ द इयर ९२०२०० जस्ता अवार्ड जितेका छन् र सन् २०१९ मा सर्टी अवाड्र्समा भ्लगर अफ द इयरको रूपमा मनोनित भएका थिए ।
जिमी डोनाल्डसनको जन्म मे ७, १९९८ मा उत्तरी क्यारोलिनाको ग्रिनभिलमा भएको थियो । उनले १२ वर्षको उमेरमा ‘मिस्टरबिस्ट६०००’ नामक युट्युब ह्याण्डलबाट करिअर थालेका थिए । ग्रिनभिल क्रिश्चियन एकेडेमीबाट स्नातक गरेपछि, उनले पूर्ण समय सामग्री सिर्जना गर्ने निर्णय गरे, आफ्नो बढ्दो अनलाइन उपस्थितिमा ध्यान केन्द्रित गर्न कलेज छोड्ने निर्णय गरे ।
उनले मिस्टरबिस्ट, बिस्ट रियाक्ट्स, मिस्टरबिस्ट गेमिङ, मिस्टरबिस्ट फिलान्थ्रोपीसहित धेरै युट्युब च्यानल संचालन गरिरहेका छन् । यी सबै युट्युब च्यानललाई सामूहिकरुपमा ४१ करोड ५० लाख भन्दा धेरैले सब्सक्राइब गरेका छन् । उनको मुख्य च्यानलमा मात्र २७ करोड सदस्य छन् । यो च्यानल विश्वमै सर्वाधिक पछ्याइने च्यानल हो ।
